外地游客最爱~黄埔古港一日游，有得玩有得食！
最近比大家咨询得最多嘅就系HK同广州
睇黎大家对国庆假期去边度已经有个大概计划了哦？
最近嘅推送会推更多广州周边
推一d我觉得一日游适合去嘅地方
同埋最近比较多人咨询嘅系HK
呢个攻略迟小小都会有~
大家唔使急
继续关注我就得啦！
撒花！
跟住今日正片开始
小编有好多外地朋友
距地都经常黎广州稳我玩
但系距地对广州一个地方情有独钟
基本上每次黎都要我带距地去一次
呢个地方就系
黄埔古港
宜家嘅黄埔古港同CBD一样
每日都日新月异
我每次黎都觉得呢度唔同左
我讲嘅唔单单系呢度嘅店铺
从一开始得几间
发展到宜家一片
仲有呢度嘅环境
越黎越靓啦
今日小编除左带你睇历史建筑
再带你地探店寻找古港好味道
碰碰带路tips
去黄埔古港有两条路
一条路就系搭乘229去到石基村
然后沿住全部都系商铺嘅路入去就得了
另一条路就系搭137/262/旅游观光线1到达黄埔村牌坊
从村口行入去
从村口行入去嘅话比较远
可能都要半个钟左右
但系就可以穿越成个黄埔村
睇下黄埔村d古建筑
黄埔古港位于广州市海珠区石基村，北临新港东路，南隔黄埔涌与仑头相望，西临东环高速公路，东隔珠江与长洲、深井相望。
黄埔古港见证了广州“海上丝绸之路”的繁荣。
自宋代以后，黄埔村长期在海外贸易中扮演重要角色。南宋时此地已是“海舶所集之地”。
每次黎都会去粤海第一关纪念馆行下
呢度好多关于丝绸之路嘅图片、实物、模型等等
等大家可以更好咁了解广州海上丝路嘅历史同辉煌
带住小朋友嘅可以黎睇下
呢度门票免费
仲有就系梁氏宗祠
宜家呢度系一个人文历史博物馆
都系免门票噶
具体位置系黄埔中学隔黎
虽然话博物馆纪念馆呢d比较无聊
但系如果你认真逛嘅话都系可以学到唔少野噶
跟住就带大家去觅食啦
首先讲讲主菜
码头附近好多农家乐
我都食过好几间
菜式其实大同小异
都系烧鸡啊烧排骨等等一d比较常见嘅农家菜式
我觉得比较特别嘅一个系黄埔蛋
呢个口感有小小似炒蛋又有小小似煎蛋
非常特别
因为炒出黎嘅鸡蛋似一匹黄澄澄嘅布
而且系“黄埔”嘅谐音
所以距就被命名为黄埔蛋啦~
然后再讲讲小食
黄埔古港嘅小食非常多
一次想全部食晒基本系冇可能
所以大家keep住先
去多两次食晒距哈哈哈
猫记艇仔粥
呢间基本系每次黎古港必吃
以前艇仔粥有好多好多间
宜家经过食客慢慢淘汰
剩翻猫记
猫记都从原来嘅平房入边搬出黎
具体地址琶洲街新港东路石基村黄埔古港后巷内
环境更好位置更多
每到饭点都要等位
呢度基本上系自助
食物一碟碟整好放系厨房窗口
自己要乜拿乜
因为人好多食物流转快
所以食物比较新鲜
会有阿姨那个托盘托住一碗碗新鲜滚热辣嘅艇仔粥
你坐低阿姨就会过黎问你要唔要粥
最后埋单嘅时候老板会根据你嘅餐具帮你结算
价钱非常亲民
人均20蚊就已经可以食得非常饱了
味道就系大排档味道
但系咁嘅味道咁嘅价钱
性价比已经好高
跟住就讲下超级有名嘅奶婆姜撞奶
黄埔古港未有宜家咁红嘅时候
奶婆其实得一间
就系下图最靠近码头呢间
后尾多人食
先有加盟店出现
最最最好食就系姜撞奶
你拿住碗姜汁坐低
然后就会有人拿牛奶过黎
当住你面撞比你睇
等几分钟~就凝固啦
超级无敌滑~
跟住有小小辣
暖笠笠食落去超级舒服
但系呢度嘅双皮奶我就唔太推荐
因为我觉得整得太干
完全冇水分
食落去好老
好似食奶糕咁
呢度嘅牛杂我系极力推荐嘅
就算你唔食奶制品
我都建议你坐低食翻碗牛杂
以前距标榜系用小牛嘅牛杂整
又入味又嫩
食过翻寻味
不过宜家游人咁多
肯定唔可能全部用牛仔嘅内脏
但系依然焖的好好味同埋好软
跟住推荐你地一间最近发现嘅新店
古港糖水铺
码头向村入边行
过左奶婆再直行50m左右就可以见到
周末就肯定爆满
超级多人排队
虽然距个名系叫古港糖水铺
但系呢间店主打系芒果甜品
个人觉得性价比几高
呢个芒果布丁好似系15蚊
但系好大只
上面超级多芒果
超级满足
食一只超级饱
小份嘅芒果绵绵冰
22软妹币
个人觉得好食过梁小贤好多
因为芒果超级无敌多
而且呢度入边有两种芒果
一种浓香鲜甜
一种微酸清甜
所以食起身好爽
真系食芒果饱哈哈哈
凤浦牌坊前面有条河涌
两边有好多新开嘅食肆同咖啡厅
中意小资嘅朋友可以黎呢度坐下
呢度貌似仲可以游船
但系基本上冇咩人去游船
钓鱼嘅人就多
除左上面介绍嘅小食
仲有一d街边摊我都觉得唔错
例如猪脚姜啊咸酸啊煎鹌鹑蛋等等
比价有广府特色嘅小食
而且价钱都唔系好贵
大家可以试试
其实黄埔古港真系好适合懒人
哈哈哈
点解咁讲呢
呢度嘅景点比较少比较集中
而且多野食
想食好味嘅小食有街边摊
想小资可以去咖啡厅
想正经食饭有农家乐
一次满足你所有愿望~
交通方便
仲可以搭下双城bus（旅游观光1，黄埔村牌坊果边搭）
简直就系超级完美~
快d黎食食食啦！
你有什么想去的地方？
你想知道哪里的攻略？
小编哪里还做得不够好？
欢迎在公众平台留言
或者私信我哦~
私人微信：KuangRenLY
么么哒(づ￣ 3￣)
